اطلاعاتو ته د لاسرسي کمېسیون رهبرۍ او د ولسمشرۍ ماڼۍ د چارو ادارې ریاست تر منځ لیدنه
نن د ۱۳۹۹کال، غوایي ۱۶ اطلاعاتو ته د لاسرسي کمېسیون رهبرۍ کمېشنر او منشي ښاغلي حمدالله ارباب، کمېشنرې آغلې زهرا موسوي، د دارالانشا رییس ښاغلي عصمت الله حیدري، تخنیکي سلاکار ولي الله مصباح د ولسمشرۍ ماڼۍ چارو ادارې ریاست رییس ښاغلي داکتر محمدفضل فضلي او همکارانو سره یې لیدنه وکړه او په دولتي بنسټونو کې اطلاعاتو ته د لاسرسي حق عامولو او بنسټیزه کولو څرنګوالي باندې بحث وکړ.د کمېسیون له لوري پر دې ټینګار وشو چې حکومت د ملت خدمتګار دی او وګړو ته باید د اطلاعات غوښتلو په برخه کې ځواب ویونکی وي. یاد هیئت د هغو بنسټونو لړلیک چې اطلاعات غوښتونکو ته اطلاعات نه ورکوي او اطلاعاتو ته د لاسرسي کمېسیون مکتوبونه یې هم بابېزه ګڼل له دوی سره شریک کړ تر څو په د برخه کې همکاري وکړي.
داکتر فضلي د کمېسیون هیئت سره د لیدنې خوشحالي تر څنګ زیاته کړه، اطلاعاتو ته لاسرسی په افغانستان کې یو نوی مفهوم دی او د دې حق بنسټیز کول او د حکومتي بنسټونو ځواب ویلو ته اړ کول وخت او لازمو امکاناتو ته اړتیا لري. دوی ژمنه وکړه چې د چارو اداره به ډېر ژر د اطلاع رسونې مسوول معرفي او یاده برخه به پیاوړې کړي او د اطلاعات غوښتونکو غوښتونکې به وڅېړي او اطلاعات به دوی ته ورکړي. همدارنګه یې ژمنه وکړه چې اطلاعاتو ته د لاسرسي کمېسیون سره به په یاد ریاست، وزارتونو او ولایتونو کې د پروګرامونو په پلي کولو کې همکاري وکړي او د ټولو بنسټونو نه ځواب ویل به وڅېړي.
غونډه د نېکو هیلو په غوښتلو پای ته ورسېده!
