اطلاعاتو ته د لاسرسي کمېسیون غړو د فساد پر وړاندې د افغانانو همغږۍ موسسې مسوولینو سره لیدنه
د فساد پر وړاندې د افغانانو همغږۍ موسسه، یو له هغو ټولنیزو او غیر دولتي بنسټو څخه دی چې د فساد پر وړاندې مبارزې برخه کې په خپله خوښه او بشر خوښونکې توګه د ټولنې اړمنو کسانو ته بې له قومي، نژادي، ژبني او سمتي اړیکو په پام کې نیولو کار کوي.
دا بنسټ کوښښ کوي چې په کابل، ننګرهار، لغمان او کونړ ولایتونو کې د فساد پر وړاندې مبارزې په برخه کې د عامه پوهاوي پروګرامونه تر سره کړي، د یاد بنسټ مسوولینو په دې لیدنه کې اطلاعاتو ته د لاسرسي کمېسیون غړو ته دخپلو کاري پروګرامونو په اړه معلومات ورکړل او همدارنګه یې د عامه پوهاي پروګرامونو په پلي کولو کې له کمېسیون څخه د همکارۍ غوښتنه وکړه.
کېدای شي اطلاعاتو ته د لاسرسي کمېسیون له نوموړي بنسټ سره د عامه پوهاوي په برخه کې هوکړه لیک لاسلیک کړي.
