د کابل ښار دیارلسمه ناحیه کې اطلاعاتو ته د لاسرسي قانون په اړه د عامه پوهاوي پروګرام
۱۳۹۸، د سلواغې ۱۳، یکشنبې
اطلاعاتو ته د لاسرسي حق په اړه د پوهاوي پروګرام اطلاعاتو ته د لاسرسي کارکوونکو، د دیارلسمې ناحیې رییس ښاغلي عبدالاحمد ملکیار، کلو وکیلانو، عالمانو، سپینږیرو، ښځو او ځوانانو په دې پروګرام کې ګډون کړی وه.
په دې پروګرام کې اطلاعاتو ته د لاسرسي کمېسیون، عامه پوهاوي برخې امر ښاغلي خلیل جیحون اطلاعاتو ته د لاسرسي حق او قانون په اړه، د افغانستان اساسي قانون، پنځوسمې مادې په رڼا کې خبرې وکړې او زیاته یې کړه:« د افغانستان اساسي قانون پنځوسمه ماده په ادارو کې شته اطلاعاتو ته د ټولو وګړو لاسرسی تضمینوي. په دې بنسټ ټول دولتي بنسټونه مکلف دي چې له خپلو کړنو او اجراتو څخه له وړاندې او یا د اطلاعات غوښتلو په وخت کې وګړو ته اطلاعات ورکړي» نو په دې اساس وګړي حق لري چې له ټولو ادارو نه د اړتیا وړ اطلاعات وغواړي. اطلاعاتو ته د لاسرسي دود په وسیله د ښې حکومتوالۍ په جوړولو کې مثبت رول ولوبوي.
ورپسې ښاغلي عبدالاحمد ملکیار، اطلاعاتو ته لاسرسی د اوسنۍ ټولنې بنسټیزه اړتیا وبلله او زیاته یې کړه، وګړي باید د حکومت ټولو کړنو او پریکړو ته لاسرسی ولري. ملکیار وویل:« د قانون په اړه د وګړو پوهاوی د حکومتي پروګرامونو پلي کولو او ګډون لپاره زمینه برابروي».
په پای کې ولي الله مصباح، اطلاعاتو ته د لاسرسي قانون د هدفونو، اطلاعاتو غوښتلو طریقو، وګړو ملاتړ، اطلاعاتو ورکولوطریقې، اطلاع رسونې مسوول دندې او کمیسون ته د شکایت کولو او هغه ته د رسیده ګۍ په اړه د پریزینټېشن په لړ کې لازم معلومات ورکړل.
او د ګډونوالو پوښتنو ته ځوابونه وویل شول.
