په کاردان پوهنتون کې اطلاعاتو ته د لاسرسي د عامه پوهاوي غونډه
نېټه: دوشنبه د تلې ۲۲ مه، ۱۳۹۸ هجري لمریز
دغه غونډه اطلاعاتو ته د لاسرسي کمیسیون د غړي او منشي ښاغلي حمدالله ارباب په شتون کې په کاردان پوهنتون کې جوړه شوه.
ښاغلي حمدالله ارباب غونډې ته د خپلې وينا په ترڅ کې وویل؛ اطلاعاتو ته لاسرسی تر هر څه د مخه یو بشری حق دی چې په ټولو خلکو پورې اړه لري. د افغانستان خلک حق لري له ټولو هغو پېښو او مواردو چې په دوى پورې اړوند وي او په یو شکل د دوی ورځنی ژوند اغېزمنوي، همدارنګه هغه څه چې په حکومت کې تېرېږي او د ولس د ژوند سرنوشت ورسره تړلی وي با خبره و اوسي. د حکومت کړنې باید وپوښتل شي او څارنه یې وشي تر څو روڼوالی او حساب ورکول رامنځته شي. په هغه نظام کې چې حکومت یې ځواب ویونکی او حساب ورکوونکی نه وي او خلکو ته د ګډون زمینه نه وي برابره، نه شی کېدلای روڼوالی رامنځته شي. هغه د اداري فساد په کمولو، حساب ورکولو، او د روڼوالي په رامنځته کولو کې اطلاعاتو ته د لاسرسي پر ارزښت هم وغږېد او د ژوندیو بېلګو په وړاندې کولو سره یې دا موضوع ګډونوالو ته ښه روښانه کړه. محترم ارباب صیب خپلې خبرې اطلاعاتو ته د لاسرسي کمیسیون کې اطلاعاتو ته د لاسرسي د بهیر او د اطلاعاتو د نه ورکړې څخه د شکایتونو او د هغو د
څېړنې د څرنګوالي په هکله د اړینو وضاحتو په ورکولو سره پای ته ورسولې.
د غونډې په وروستۍ برخه کې محترم خلیل جیحون اطلاعاتو ته د لاسرسی قانون د پرېزنټېشن په وړاندې کولو سره تشرېح کړ او د ګډونوالو پوښتنو ته ځوابونه وویل شول.
